«Туган Батыр» проектының төп максаты – кыйммәтләрне, туган җиргә мәхәббәт, милли традицияләрне саклап калу һәм халыклар дуслыгын ныгыту, үсеп килүче буынны дөрес тәрбияләү. Безнең проект төрки халыклар арасындагы элемтәләрне ныгыта, дип ышанып әйтә алабыз.

Безнең милли героебыз турындагы китапның өченче өлешендәге вакыйгалар Төркиядә бара, шуңа күрә китапларны Истанбулда тәкъдим итү карары кабул ителде. Өстәвенә, Төркиядә безнең бик күп ватандашларыбыз яши. Алар барысы да, гүя вакытлыча туган илләребезгә кайттык, дип уртаклаштылар.

Тәкъдим итү кичәсе 7 ноябрьдә «Рами» китапханәсендә узды. Бу – зурлыгы буенча Истанбулда бердәнбер, Төркиядә икенче китапханә. барлыгы 150дән артык кунак булды.

«Туган Батыр» проекты идеясенең ничек барлыкка килүе турында аңа нигез салучы Радик Мөхәрләм улы сөйләде.

Кунаклар шулай ук китап авторы, ТР халык язучысы Зөлфәт Хәким белән дә очрашты, ул үзенең илһам чыганаклары һәм геройлар дөньясы турында сөйләде.

Мәртәбәле кунаклар арасында Татарстан Республикасының Төркия Республикасындагы вәкаләтле вәкиле Айрат Гатауллин, Балалар һәм яшьләр әдәбияты язучылары ассоциациясе директорлар советы рәисе Бижан Вейсел Йолдыз, язучы Селяхетдин Озкок бар иде.

Тәкъдим итү чарасы Төркиянең Татарстандагы консуллыгы ярдәме белән узды.