21-22 ноябрьдә Берләшкән Гарәп Әмирлекләрендә халыкара кинобазар кысаларында милли каһарманыбыз турында «Туган Батыр» проектының мультсериал тизерын тәкъдим иттеләр.
Мультипликацион сериалны эшләүчеләр – Россиянең иң яхшы мультипликаторлары, «Фиксики», «Смешарики» мультфильмнарын, «Последний богатырь» фильмын булдыручылар. Кинобазарда анимация сериалы буенча хезмәттәшләребез һәм Һиндстан, Төркия, Берләшкән Гарәп Әмирлеге, Ираннан булачак партнерларыбыз белән тәҗрибә уртаклаштык һәм алдагы хезмәттәшлек буенча сөйләштек. «Роскино» дәүләт оешмасына чакыруы һәм ярдәм итүе өчен рәхмәт белдерәбез.