Татарстан Республикасы делегациясенең Төркия Республикасына эш визиты кысаларында Анкарада «Татарстан Республикасының эшлекле һәм инвестицион мөмкинлекләре» семинары узды.

Делегацияне Татарстан Республикасы Инвестицион үсеш агентлыгы җитәкчесе Талия Миңнуллина һәм ТР ССП рәисе Шамил Агеев җитәкләде. Сәфәрдә шулай ук Татарстан Республикасы Сәүдә-сәнәгать палатасы рәисенең беренче урынбасары Елена Фәйзрахманова, «Туган авылым» милли-туристлык комплексын гамәлгә куючы һәм җитәкчесе, «Туган Батыр» ҖЧҖ директоры Радик Абдрахманов, шулай ук профильле министрлыклар һәм муниципаль хакимият органнары вәкилләре катнашты. Визит 2026 елның июлендә Казанда президент Рифат Хисарджиклыоглу җитәкчелегендә TOB делегациясенең рәсми визиты вакытында ирешелгән килешүләрнең дәвамы булды.

Радик Абдрахманов «Туган Батыр» анимацион проектын тәкъдим итте һәм яшь буынны тәрбияләүнең әһәмияте турында сөйләде. Катнашучылар үзара бизнес-миссияләр оештыру, предприятие арасында турыдан-туры элемтәләрне үстерү турында фикер алыштылар