«Туган Батыр» проекты берничә юнәлештә үсә. Шуларның берсе – цифрлы технологияләр. Бүген без @kazandigitalweek та катнаштык. Татарстан Республикасы Президенты Рөстәм Миңнехановка һәм РФ цифрлы үсеш министры Максут Шадаевка, форум кунакларына «Туган Батыр» AR-китап (җанландырыла торган китап) тәкъдим иттек. Өстәмә чынбарлык ярдәмендә безнең китап «җанлана». Моның өчен смартфон яки планшет камерасын китап битенә китерергә һәм экранда нәрсә пәйда булачагын карарга гына кирәк. Әлеге кушымтаны сез App Store / Play Market йөкли аласыз.